മ്യൂസിയം വളപ്പിലെ പകര്‍പ്പ്‌!

കൂട്ടുകാര്‍ രണ്ടുപേര്‍
വഴിതെറ്റിയെത്തി
ഈ മ്യൂസിയം വളപ്പില്‍..
അന്തം വിട്ടു പന്തം കണ്ടതുപോല്‍
നിന്നുപോയ്‌ വലിയ വാതില്‍ക്കല്‍!
ചുറ്റുമവരെ ശ്രദ്ധിക്കാതെ യുവമിഥുനങ്ങള്‍
അവരുടെ നേരമ്പോക്ക്‌ സരസവര്‍ത്തമാനത്തിലും..


പകച്ചുപോയ കുട്ടികള്‍ രണ്ടും
ഒന്നൂടെ പകച്ചതോ
ഈ പീരങ്കി കണ്ടപ്പോളാണോ?

അവര്‍ക്കറിയില്ലാ ഈ പീരങ്കി
ചത്തിട്ടൊരുപാട്‌ കാലമായെന്നത്‌..

ചാലിയാര്‍ പുഴ പിന്നേയുമൊഴുകീ...

ഇപ്പോള്‍ ഈ വേനല്‍കാലത്ത്‌ ചാലിയാര്‍ കളകളസ്വരമുള്ള പാദസരമിട്ട്‌ മെലിഞ്ഞൊഴുകുന്ന ഒരു സുന്ദരിയായിട്ടുണ്ടാവാം.. ചാലിയാറിലെ ഓരോ ഓളത്തിനുമോരോ കഥകള്‍ പറഞ്ഞൊഴുകാനുണ്ടാവാം..

ഈ നാടന്റെ ജന്മനാടായ നിലമ്പൂരിലെ കോവിലകത്തെ കടവിലെ വയസ്സന്‍-ആല്‍മരത്തിനരികില്‍ നിന്നും 'ക്ലിക്കിയ' പടം!

(ഏറനാടന്‍ ചരിതങ്ങളില്‍ തുടരനായിട്ടെഴുതിയ മീന്‍കാരന്‍ അബു

ഭാനുപ്രിയതമ്പ്രാട്ടിയെ രക്ഷിച്ചെടുത്തത്‌

ദേ.. ആ കാണുന്ന കുളിക്കടവില്‍ നിന്നായിരുന്നു...!)

സന്ധ്യാനേരം കടപ്പുറത്തൊരു ബാലന്‍!

"നേരം മോന്തിയായി മോനേ! വേഗം വീട്ടില്‍ വാ.."

"ഇല്ലമ്മേ.. ഇച്ചിരിനേരം കൂടി കൂട്ടുകാരുടെ കളികണ്ടോട്ടേ.."

"ഇനി പോവാംല്ലേ? സൂര്യനും പോണൂ.. മുഖം ശരിക്കും പതിയോ ഏട്ടാ?"

ചെമ്പകമല്ല, ചെമ്പരത്തിയല്ലാ.. പിന്നെയോ?

ഈ പൂക്കള്‍ ഏതെന്നറിയാതെ
പിടിച്ചെടുത്തു ഞാനെന്‍ ഫോട്ടോപെട്ടിയില്‍
ഇരിക്കുന്നതങ്ങ്‌ തിരോന്തരം മ്യൂസിയം വളപ്പിലും..

ഇതിന്‍ പേരറിയാമോ പ്രിയകൂട്ടുകാരേ(രികളേ)?
ഒന്നുറപ്പാണിവ സുല്ലിന്‍ ചെമ്പകമല്ലാ
ചെമ്പരത്തിയുമല്ലാ..

ദൂതുപോകും രാജഹംസമേ...

ഒരു അരയന്നം ഒറ്റപ്പെട്ട്‌ ചിന്താവിഷ്‌ടയായി നീങ്ങുന്നു. ചോദിക്കാന്‍ അവരുടെ ഭാഷ അറിയില്ല. പ്രണയിതാക്കളുടെ ഭാഷാതീതമായ ദൂതുകള്‍ കൊണ്ടുപോകും ഹംസങ്ങള്‍ക്ക്‌ എന്തിനിത്ര പരിഭവം!

(ദോഹാ സൂവില്‍ വെച്ച്‌ പിടിച്ചതീ രംഗം)