ലോകപ്രശസ്ത മലയാളീ കാര്ട്ടൂണിസ്റ്റ് റ്റോംസ് തന്നേക്കാളും പ്രശസ്ത-സൃഷ്ടികളായ ‘ബോബനും മോളിയും’ പരമ്പരയുടെ അന്പതാം വാര്ഷികത്തിന് ഈയ്യിടെ അബുദാബിയിലെത്തിയ നേരം.. പണ്ട് പണ്ട്, പള്ളിക്കൂടത്തില് പോകുന്ന കാലം തൊട്ട് തര്ക്കുത്തരത്തിനും ഉരുളയ്ക്ക് ഉപ്പേരിക്കും കുസൃതികള്ക്കും പ്രചോദനമായിരുന്ന ബോബനും, മോളിയും, അവരുടെ പട്ടി, പിന്നെ.. മൊട്ട, അപ്പീഹിപ്പി, പ.പ്രസിഡന്റ്, ചേടത്തി, വക്കീല്, ഉപ്പായി മാപ്ല ഇവര്ക്കൊക്കെ ജന്മം നല്കിയ റ്റോംസിനെ നേരില് കാണുവാന് പൂതിയോടെ കഴിഞ്ഞതാണ്. ഒടുവില് ആ മഹാന് പ്രത്യക്ഷപ്പെട്ടപ്പോള് പരിചയപ്പെടുവാന് എനിക്കും അവസരമൊത്തു.
സാക്ഷാല് റ്റോംസിന്റെ കാരിക്കേച്ചര് ചെയ്യുന്ന ഗോമ്പറ്റീഷനില് ഞാനും കൂടി. മറവിയുടെ മാറാലക്കുരുക്കില് കുരുങ്ങിപ്പോയ എന്നിലെ കാര്ട്ടൂണ്വര വര്ഷങ്ങള്ക്കു ശേഷം വന്നപ്പോള്, പേപ്പറില് റ്റോംസ് പതിഞ്ഞു. ആ വരയെ വിലയിരുത്തിയ മഹാന് കൈയ്യൊപ്പ് ചാര്ത്തി തോളില് കൊട്ടിയിട്ട് പറഞ്ഞത് “കടുവയെ പിടിച്ച കിടുവ!!” എന്നത് വലിയൊരു പുരസ്കാരമായി ഞാന് സ്വീകരിച്ചു.