വശ്യമാം മൂന്നാര്‍..!

മൂന്നാറിന്‍ വശ്യതയാര്‍ന്ന പ്രകൃതിയെ ഒപ്പിയെടുക്കുന്ന ക്യാമറാമാനും കൂട്ടരും. പക്ഷെ മുന്നിലേക്ക് അപ്രതീക്ഷിതമായി വന്നെത്തിയത് ഒരു കാളക്കൂട്ടം (ആനക്കൂട്ടം ആവാഞ്ഞത് ആയുസ്സിന്റെ ബലം!).

പിന്നീടാണറിഞ്ഞത് അവയല്ല അപ്രതീക്ഷിതം, ക്യാമറമാനും കൂട്ടരും ഞാനുമാണ്‌ കാളക്കൂട്ടം വിലസുന്ന താഴ്വാരത്തില്‍ അവയെ ഞെട്ടിച്ചുകൊണ്ട് അപ്രതീക്ഷിതമായെത്തിയത്! ഞങ്ങള്‍ പോയവഴി (പുല്ലുപോലും മുളച്ചില്ല). ഇരുവശങ്ങളിലും തേയിലമുളച്ചുകിടപ്പുണ്ട്.


ഈ വഴി നിര്‍ഗമിക്കവെ വൃഥാ ഒരു സുന്ദരി എതിരെ അലസഗമനം ചെയ്യുന്നത് മനക്കണ്ണില്‍ കണ്ടുകൊണ്ട് പൊക (മറ്റേ ബീഡിയല്ല, സാദാസിഗരറ്റുപൊക) വളയമാക്കിവിട്ടോണ്ടിരുന്നു.


"Behold her single in the field"പണ്ട് പഠിച്ച വില്യം വേഡ്സ്‌വെര്‍ത്തിന്റെ കവിത 'സോളിറ്ററിറീപ്പര്' പുനരവതരിക്കുന്ന താഴ്വരയും മുകളിലെ മേഘക്കൂട്ടങ്ങളും.

മൂന്നാര്‍ സീന്‍സ് തുടരുന്നൂ...

വരയാടിനെ കിട്ടീല, കൊച്ചീലെ വരയില്ലാത്ത ആടും കുട്ടീം

മലകള്‍ പുഴകള്‍

ഭൂമിക്ക് കിട്ടിയ സ്‌ത്രീധനങ്ങള്‍

ഈ ഭംഗിയുടെ കയങ്ങളില്‍ പണ്ട് വിനോദയാത്രയ്ക്ക് വന്ന ഏതാനും വിദ്യാര്‍ത്ഥികള്‍ പാലം പൊട്ടിവീണ് ഇല്ലാതായിരിക്കുന്നു!

ഈ വഴിയിനിയും വരുവാനൊരു മോഹം..

മൂന്നാര്‍ കാഴ്‌ചകള്‍...

ഈ ലോറിയില്‍ കേറിയാണ് ഞാന്‍ മൂന്നാറില്‍ കാലുകുത്തിയത്! വീരപ്പന്‍‌മീശവെച്ച അണ്ണാച്ചിഡ്രൈവറുടെ പേര് വീരപാണ്ട്യരാജ്.


വീരപാണ്ട്യരാജിന്റെ ശെന്തമിഴ് ‘വെട്ടുകത്തി‘ നിര്‍ബാധം തുടരവേ ഞാന്‍ ബോധം കിട്ടാന്‍ താഴ്‌വാരത്തോട്ട് നോക്കി..


ദൂരെ ദൂരെ പഞ്ഞിക്കെട്ടുപോലെ മേഘക്കൂട്ടം മേഞ്ഞുപോകുന്നതും കണ്ടു.


പെട്ടെന്നായിരുന്നു ഒരു വെള്ളിടി മിന്നിവെട്ടിയത്! ആ മരം ഉലഞ്ഞാടി..


ഇങ്ങരികില്‍, ഇടിമുഴക്കം കേട്ട് ശടുകുടൂ വെള്ളച്ചാട്ടം, തിരിഞ്ഞു നോക്കുമ്പോള്‍..
“കാള വാലുപൊക്കുമ്പഴേ അറിയാല്ലോ അത് എന്തിനാണെന്ന്?“ എന്നും ചോദിച്ച്
മൂന്നാര്‍ പിള്ളേര് പല്ലിളിച്ചു. ഭാഗ്യം ഞാന്‍ കാളയെ വെട്ടിമാറിയതിനാല്‍ മൂത്രം ആകാതെ തടികാത്തു. ഷൂട്ടിംഗ് മുടങ്ങാതെ നടന്നു.