തെരുവുപാട്ടുകാര്‍ (ഫോട്ടോ+വീഡിയോ)

ഒരു ചാണ്‍ വയറിനുവേണ്ടി പാടട്ടെ ഞങ്ങള്‍...
പാടാം ഈ ഗാനം,
ഇന്നലെകള്‍ ഇതുവഴിയേ പോയീ,
നൊമ്പരമാം പൊന്നുഷസ്സും പോയീ,
പാടാം ഈ ഗാനം..ഞങ്ങളുടെ പാട്ട് ഒന്നുകാണൂ, വല്ലതും ഇട്ടുപോകൂ ബൂലോഗരേ..

പാലാപ്പീസും പുലിബോര്‍ഡും!!!

പാലാപ്പീസ് എവിടെയെന്ന് ഇതാ ചൂണ്ടുപലകയില്‍!!
മെഡിക്കല്‍ കോളേജിലെ രോഗികള്‍ക്ക് പാല്‍ വാങ്ങുവാന്‍ പാത്രങ്ങളുമായി പാല്‍ ബൂത്ത് തേടിപ്പോകുന്ന പാവങ്ങള്‍ ‘പാലാപ്പീസിലേക്കുള്ള ചൂണ്ടുപലക നോക്കി ചൂണ്ടുവിരല്‍ മൂക്കത്ത് വെച്ച് വാപൊളിച്ചു പോകാറുണ്ട്.
പാലാപ്പീ‍സ് തപ്പിപ്പോയാല്‍ കുറച്ചപ്പുറം ഇങ്ങനെയൊരു ബോറ്ഡ് കണ്ട് ഞെട്ടിവിറക്കും!! (ഈ പുലിബോര്‍ഡ് വീണ്ടും പോസ്റ്റുന്നു)

സിനിമാകൊട്ടക v/s സിനിമാതീയേറ്റര്‍ & മാര്‍‌ജാരന്‍സ്!!

എന്റെ വീടിന്റെ അടുക്കളയില്‍ നിന്നുള്ള ദൃശ്യം. മതിലിനപ്പുറം സരോജ് സിനിമാകൊട്ടകയാണ്. മതിലില്‍ വിശ്രമിക്കുന്ന മാര്‍ജാരന്‍സ്. ക്ലോസ് ഷോട്ട്!
മാര്‍ജാരന്‍സ് + സിനിമാകൊട്ടക ലോംഗ് ഷോട്ട്!
മാര്‍ജാരന്‍സ് വിശ്രമിക്കുന്നത് സിനിമാകൊട്ടകയില്‍ വല്ലപ്പോഴും ഓടുന്ന പടങ്ങളിലെ പാട്ടുകള്‍ കേട്ട്. മിഡ് ഷോട്ട്!
പണ്ട് മലപ്പുറം ജില്ലേലെ നെലമ്പൂര്‍ തറവാട്ടുപുരയിലെ കുട്ടിക്കാലത്ത് മതിലനപ്പുറത്തെ മുസ്ലീം പള്ളിയിലെ 5 നേരം വാങ്കുവിളി കേട്ടായിരുന്നു കഴിഞ്ഞതെങ്കില്‍; ഇവിടെ കോഴിക്കോട്ടെ കോര്‍പ്പറേഷന്‍ അതിര്‍ത്തീല് 3 നേരം സിനിമാ ശബ്‌ദരേഖ കേട്ടാണ് ഞാനും വീട്ടുകാരും കഴിയുന്നത്! (3 നേരം ഷോ കളിക്കുന്നത് മിനിമം 10 ആളെങ്കിലും കൊട്ടകേല് കേറിയാല്‍ മാത്രം! 2 ദിവസം കൂടുമ്പോള്‍ പഴേ തമിഴ് പടം മാറിവരും ഇക്കൊട്ടകേല്. ആളില്ലാഞ്ഞിട്ട് ഇന്ന് ഷോ ഇല്ല) സൂം ഷോട്ട്!
അത് അവിടെത്തെ കഥ. ഇതാ ഇവിടെ സിറ്റീല് ഒരു തീയേറ്റര്‍. ടിക്കറ്റ് കിട്ടാനേയില്ല. ഹൌസ്‌ഫുള്‍! മുപ്പതുകൊല്ലം ആയിട്ടും ‘അണ്ണനും‘ ‘തമ്പിയും‘ കളിക്കളം വിടാതെ കൊച്ചുസുന്ദരികളുമായി അടിച്ചുപൊളിച്ച് ഡപ്പാം‌കുത്തും കളിച്ച് തിയ്യേറ്ററില്‍ ആളെക്കൂട്ടുന്നു! ഹല്ലപ്പിന്നെ! സൂം ഇന്‍ ഷോട്ട്!